Zum 5te Mal füehr ich bereits das Beerpongturnier dure :)
Titelverteidiger vom 2023 sind d Schimpanse (Reto&Andi)
2021: Strassefüchs, 2020: gömmer gschider go darte 2019: Hähähä
16 Teams und de Organisator macht selber au mit. Darum möchtichs möglichscht eifach phalte.
Türöffnig 12:45
Kurzi Ablauf-&Regelerklärig 13:15
Turnierstart 13:30
Bitte chömet pünktlich, mir wend ja alli spile und ned forfait gwünne.
Gspielt wird ih zweier Teams nach offizielle Regle vode SSOBP http://www.ssobp.ch/?p=reglement (Ussert d Regle zum Becherinhalt, die giltet ned)
Gstartet wird ih vier 4er Gruppe, die werdet vorem Spiel zuefällig usgloset. 3 Gruppespiel sind garantiert (mit jewils 2 Bier pro Spiel), denn chömet die zwei beste Teams pro Gruppe wiiter. Viertelfinal, Halbfinal, Spiel um dritte Platz und schliesslich Final.
Es findet im Grotto in Bade ide Au unde statt. Mer sind verusse, d Spiel findet aber imene beheizte Festzelt statt, s Wetter spilt also kei Rolle.
Es wird en Grill ha woner selber chönd grilliere, es git Würst oder ihr nähmet euches Grillzüg sälber mit. Natürlich chamer au Pizza oder ähnliches bstelle.
Es wird trotzdem wieder en Bar gäh, vom Flo organisiert, danke villmal!
Wiiteri Beerpongtisch für Plauschspili wirds au ha, sowie Bierdose zum kaufe.
